Shartlar va qoidalar
Oxirgi yangilanish: 2026-yil 2-sentabr
MasterHub'dan foydalanish orqali siz quyidagi shartlarga rozilik bildirasiz. Ular oddiy tilda yozilgan.
MasterHub nima qiladi
MasterHub — e'lonlar taxtasi. Biz ustalar va mijozlarni bir joyda ko'rsatamiz, xolos.
Biz ish bajarmaymiz, ishga yollamaymiz va tomonlar o'rtasidagi kelishuvda ishtirok etmaymiz. Narx, muddat va sifat haqidagi kelishuv — to'g'ridan-to'g'ri usta bilan mijoz o'rtasida. To'lov ham platformadan tashqarida amalga oshiriladi.
Ustalar uchun
- Faqat haqiqiy ism, telefon va tajribangizni yozing.
- Portfolioga faqat o'zingiz bajargan ishlar rasmini qo'ying. Internetdan olingan yoki begona ish rasmi topilsa profil o'chiriladi.
- Mijoz bilan kelishgan narx va muddatga rioya qiling.
- Bir kishi bitta profil ochadi.
Mijozlar uchun
- Ishni aniq tasvirlang — noaniq e'lon foydasiz javob keltiradi.
- Usta bilan bog'lanishdan oldin uning sharhlari va reytingini ko'ring.
- Katta ish uchun oldindan yozma kelishuv tuzing.
- Soxta e'lon joylash taqiqlanadi.
E'lonlar
- E'lon berish uchun ro'yxatdan o'tish shart emas — ikkala tur ham (mijozning "ish kerak" e'loni va ustaning xizmat e'loni) bepul.
- E'londa Telegram usernameingiz ochiq turadi: e'lonni ko'rgan odam "Bog'lanish" tugmasi orqali to'g'ridan sizga yozadi. Telefon raqamingiz ochiq ko'rinmaydi.
- Aloqa uchun boshqa username qo'ymoqchi bo'lsangiz, e'lon berayotganda uni o'zgartirishingiz mumkin.
- Ustaning xizmat e'loni administrator tasdig'idan keyin chiqadi. Mijozning ish e'loni darrov chiqadi.
- E'lon 30 kun turadi, keyin avtomatik arxivlanadi. Bir odam bir vaqtda 3 tagacha ochiq e'lon bera oladi.
- Xizmat yoki ish bilan bog'liq bo'lmagan reklama, takroriy va chalg'ituvchi e'lonlar o'chiriladi.
Obuna
Ustalar uchun uchta tarif bor. Mijozlar uchun platforma butunlay bepul.
- Obuna muddati — 30 kun, avtomatik uzaytirilmaydi.
- To'lov hozircha qo'lda qabul qilinadi: ilovada obuna so'rasangiz, administrator siz bilan bog'lanadi.
- Obuna ko'proq ko'rinish beradi — ro'yxatda yuqorida turasiz, belgi olasiz va ko'proq rasm qo'yasiz. Mijoz keltirishga kafolat bermaydi.
- Bepul tarifdagi usta ham ro'yxatda va qidiruvda ko'rinadi — obuna uni yashirmaydi.
- Boshlangan obuna uchun to'langan pul qaytarilmaydi. Xizmatda uzoq muddatli uzilish bo'lsa, muddat shuncha kunga uzaytiriladi.
Nima taqiqlanadi
- Boshqa odam nomidan profil ochish
- Soxta sharh yozish yoki reytingni sun'iy ko'tarish
- Begona rasm va ma'lumotdan foydalanish
- Haqorat, tahdid, spam
- Qonunga zid xizmat taklif qilish
Bu qoidalar buzilsa profil ogohlantirishsiz o'chiriladi va to'langan obuna qaytarilmaydi.
Javobgarlik
Profildagi ma'lumotni ustaning o'zi kiritadi. Biz uni tekshirib bermaymiz va bajarilgan ish sifati uchun javobgar emasmiz.
Nizo chiqsa — bizga yozing. Biz vositachilik qila olamiz va qoida buzgan tomonning profilini o'chira olamiz, lekin pul qaytarish yoki zararni qoplash bo'yicha majburiyatimiz yo'q.
Shartlarni o'zgartirish
Shartlar yangilanishi mumkin. Muhim o'zgarish bo'lsa botda xabar beramiz. Yangilanishdan keyin platformadan foydalanishda davom etish — yangi shartlarga rozilik hisoblanadi.